Utlånssentral i Suldal? 

Onsdag 23. februar kjem Ivar Anton Nøttestad og Nickolas H. Tomasgaard frå Frilager Norge til Kulturhuset i Suldal. 

Mål for kvelden: Informasjon om Frilager, dele tankar og få dykkar innspel og tilbakemeldingar

 Program: 

• 16.00 – 16.30: Pizza og drøs 
• 16.30 – 18.00: Informasjonsmøte

Vegen blir som oftast til medan ein vandrar. Meld deg på og bli med på turen! 

Informasjon:

Suldal frivilligsentral har fått fleire innspel om å etablera ein utlånssentral for utstyr i Suldal. I samband med det har sentralen hatt kontakt med Frilager med tanke på å oppretta ein lokal utlånssentral i kommunen. Frilager Norge er ein frivillig organisasjon med base på Nord-Jæren som utviklar og driftar lokale utlånssentralar av friluft- og sportsartiklar.

Frilager samlar inn eksisterande utstyr og supplerer med innkjøp til eit hovudlager, eller utandørs i tilknyting til friområde der det er naturleg å bruka utstyret. Kommunale avdelingar, lag og organisasjonar kan bidra med sitt utstyr i ein lokal sentral. Bestilling av utstyr for brukar skjer på nett med ulike alternativ for henting og utlevering. 

Har ditt lag eller organisasjon utstyr som blir nytta litt for sjeldan, tek opp lagerplass og treng vedlikehald? Kva med å samle inn noko av utstyret som ein sjeldan nyttar til eit felles utstyrslager, slik fleire kan få gleda av utstyret. Ein bookar lett eige utsyr når ein treng det, og det vert lagt til rette for at ein skal ha god tilgang til eige utstyr. Best av alt, Frilager tek seg av vedlikehald, reparasjonar og erstattar når utstyr er «oppbrukt». 

Følg oss på Facebook: https://www.facebook.com/Suldal.Frivilligsentral